"Барселона" ҳимоячиси Андреас Кристенсен клуб билан шартномаси тез орада якунланиши уни хавотирга солмаяптими, деган саволга жавоб берди.
Данияликнинг меҳнат шартномаси 2025/2026 йилги мавсум охиригача мўлжалланган.
"Йўқ, бу мени унчалик ташвишлантирмайди. Менимча, ҳозир ҳаётимга таъсир қиладиган ҳеч нарса йўқ. Албатта, келажакда нима бўлишини тушунишни хоҳлайман, лекин бу менинг кайфиятимни ўзгартирадиган ёки ҳар куни суҳбат мавзусига айланадиган нарса эмас. Мен бу ҳақда ўйламасликка ҳаракат қиламан, шунчаки қўлимдан келганини қиламан.
Клубнинг режаларидан хабарим борми? Йўқ. Мен ҳеч нарса билмайман. Трансфер ҳақида ўйладимми? Йўқ. Менда Б режаси йўқ," - деди Кристенсен Tipsbladet’га берган интервьюсида.
"Барселона" Ла Лига турнир жадвалида 2-ўринда бормоқда.
