"Barselona" prezidenti Joan Laporta Kataloniya klubining sobiq hujumchisi Lionel Messini rekonstruksiya qilingan "Kamp Nou" stadionida o‘z haykaliga loyiq deb hisoblamoqda.
"Leo Messi yangi stadionga uning haykali o‘rnatilishiga loyiq. Biz dizaynni tayyorlaymiz, uning oilasi bilan gaplashamiz, agar ular rozi bo‘lishsa, biz bunga kirishishimiz mumkin," - deya Laportaning so‘zlarini keltiradi jurnalist Fabrisio Romano.













