Angliya terma jamoasi sobiq futbolchisi Gari Lineker Kataloniyaning "Barselona" klubi markaziy hujumchisi Robert Levandovski haqida qanday fikrda ekanini aytdi.
"Robertni futbol tarixidagi eng yaxshi "to‘qqizlik"lardan biri deb bilaman. Levandovski bu pozisiyada o‘zini juda yaxshi his qilmoqda. Bu haqiqiy goleador. U darvoza oldida sovuqqonlik namoyish etmoqda, uning o‘yini menga juda yoqadi," - deya Linekerning so‘zlarini keltiradi Marca gazetasi.
Joriy mavsumda 37 yoshli polshalik kataloniyaliklar safida 12 ta o‘yin o‘tkazib, 7 ta gol urishga muvaffaq bo‘ldi. Hujumchining "ko‘k-anorranglilar" bilan mehnat shartnomasi kelasi yozda o‘z nihoyasiga yetadi.
