Англия терма жамоаси собиқ футболчиси Гари Линекер Каталониянинг "Барселона" клуби марказий ҳужумчиси Роберт Левандовски ҳақида қандай фикрда эканини айтди.
"Робертни футбол тарихидаги энг яхши "тўққизлик"лардан бири деб биламан. Левандовски бу позицияда ўзини жуда яхши ҳис қилмоқда. Бу ҳақиқий голеадор. У дарвоза олдида совуққонлик намойиш этмоқда, унинг ўйини менга жуда ёқади," - дея Линекернинг сўзларини келтиради Marca газетаси.
Жорий мавсумда 37 ёшли польшалик каталонияликлар сафида 12 та ўйин ўтказиб, 7 та гол уришга муваффақ бўлди. Ҳужумчининг "кўк-анорранглилар" билан меҳнат шартномаси келаси ёзда ўз ниҳоясига етади.
