Krishtianu Ronaldu Portugaliya terma jamoasining AQSH, Kanada va Meksikada bo‘lib o‘tadigan 2026 yilgi jahon chempionatiga chiqishi munosabati bilan post qoldirdi.

"Biz jahon chempionatidamiz! Olg‘a, Portugaliya!" - deb yozdi "An-Nasr" va Portugaliya terma jamoasi forvardi o‘zining ijtimoiy tarmoqdagi sahifasida.

Yakshanba kuni Roberto Martines jamoasi saralash o‘yinida Armaniston terma jamoasini 9:1 hisobida mag‘lub etdi. Ronaldu diskvalifikasiya tufayli o‘yinda ishtirok etmadi.

Portugaliya terma jamoasi saralashda Irlandiya, Vengriya va Armaniston bor guruhda birinchi o‘rinni egallab, JCHga to‘g‘ridan-to‘g‘ri yo‘llanmani qo‘lga kiritdi.