Niderlandiya terma jamoasi bosh murabbiyi Ronald Kuman jamoaning JCH-2026ga chiqishi haqida fikr bildirdi.

"Men bashorat qilmoqchi emasman. O‘ylaymanki, jamoamizda sifatli futbolchilar ko‘p va tarkibdagi o‘rinlar uchun katta raqobat bor. Ammo saralash bosqichida yetarlicha yaxshi o‘ynamagan paytlarimiz bo‘lganini, raqibga vaziyatlar yaratishga imkon berganimizni hisobga olishimiz kerak. Buning ustida ishlashimiz kerak.

Litva bilan o‘yinda birinchi daqiqadan so‘nggi daqiqagacha yaxshi o‘ynab, ko‘plab gollar uramiz, deb umid qilgandik. Birinchi bo‘limda ikki yoki uchta gol urishimiz kerak edi. Yaxshi lahzalar ko‘p bo‘ldi, lekin bir nechta yomonlari ham bor edi", - deya niderlandiyalik mutaxassisning so‘zlarini keltiradi Ziggo.

Niderlandiya terma jamoasi G guruhi jadvalida birinchi o‘rinni egalladi.