"Benfika" va Norvegiya vingeri Andreas Skyellerup voyaga yetmaganlarning pornografik videosini yuborgani uchun shartli 14 kunlik qamoq jazosiga hukm qilindi.

Norvegiyalik futbolchi 19 yoshida do‘stlariga voyaga yetmaganlar aks etgan pornografik videoni yuborgani avvalroq xabar qilingan edi. O‘shanda u Daniyaning "Nordshelland" klubida o‘ynagan.

Futbolchiga Daniya qonunining 235-moddasini buzganlik aybi qo‘yilgan bo‘lib, u 18 yoshgacha bo‘lgan shaxslar tasvirlangan fotosuratlar yoki videolar kabi shahvoniy mazmundagi materiallarni saqlash yoki tarqatishga tegishli.

Oxir-oqibat, sud 14 kunlik qamoq jazosini shartli ravishda chiqardi. Skyellerup bir yil muddatga sinov muddatiga tayinlanadi va jamoat ishlariga hukm qilinmaydi.

Sud jarayonida ma’lum bo‘lishicha, video 27 soniya davom etgan, to‘rt kishilik chat guruhiga yuborilgan va Andreas uning mazmunini ko‘rmagan.

"Videoni boshqa joyga yuborganimda, uning noqonuniy ekanligini tezda angladim, shuning uchun uni tezda guruhdan va telefonimdan o‘chirib tashladim", - dedi Skyellerup.