"Бенфика" ва Норвегия вингери Андреас Скьеллеруп вояга етмаганларнинг порнографик видеосини юборгани учун шартли 14 кунлик қамоқ жазосига ҳукм қилинди.
Норвегиялик футболчи 19 ёшида дўстларига вояга етмаганлар акс этган порнографик видеони юборгани аввалроқ хабар қилинган эди. Ўшанда у Даниянинг "Нордшелланд" клубида ўйнаган.
Футболчига Дания қонунининг 235-моддасини бузганлик айби қўйилган бўлиб, у 18 ёшгача бўлган шахслар тасвирланган фотосуратлар ёки видеолар каби шаҳвоний мазмундаги материалларни сақлаш ёки тарқатишга тегишли.
Охир-оқибат, суд 14 кунлик қамоқ жазосини шартли равишда чиқарди. Скьеллеруп бир йил муддатга синов муддатига тайинланади ва жамоат ишларига ҳукм қилинмайди.
Суд жараёнида маълум бўлишича, видео 27 сония давом этган, тўрт кишилик чат гуруҳига юборилган ва Андреас унинг мазмунини кўрмаган.
"Видеони бошқа жойга юборганимда, унинг ноқонуний эканлигини тезда англадим, шунинг учун уни тезда гуруҳдан ва телефонимдан ўчириб ташладим", - деди Скьеллеруп.
