Dortmundning "Borussiya" klubi hujumchisi Karim Adeyemi kelasi yilning yozida jamoasini o‘zgartirishga tayyor.
Germaniyalik futbolchi hozirgi klubida so‘nggi mavsumini o‘tkazayotgan bo‘lish ehtimoli yuqori. Bild ma’lumotlariga ko‘ra, Adeyemi allaqachon karyerasini davom ettirishning turli variantlarini o‘rganmoqda. Ma’lumki, yaqinda 23 yoshli forvardning agenti "Manchester Yunayted" bilan muzokara o‘tkazgan va "Milan" ham futbolchi haqida ma’lumot so‘ragan edi.
Transfermarkt portali talqiniga ko‘ra, Karim Adeyemining narxi 60 mln yevroni tashkil etadi. Joriy mavsumda nemis barcha turnirlarda "asalarilar" safida 14 ta o‘yinda 3 ta gol urdi va shuncha golli uzatmani amalga oshirdi.
