"Atalanta"ning yangi bosh murabbiyi Raffaele Palladino jamoaning joriy mavsumdagi maqsadlari haqida gapirdi.
"Men bu yerda, "Atalanta"da ekanimdan juda baxtiyorman. Shunday katta klubga tushib qolganimdan faxrlanaman. Aytishim mumkinki, biz birgalikda yuqoriga qaytish uchun qo‘limizdan kelgan barcha ishni qilamiz. Shuningdek, jamoaga "Atalanta"ni boshqa klublardan ajratib turuvchi o‘ziga xoslikni qaytarishga harakat qilaman. Vaqtimiz oz, lekin bor kuchimizni ishga solishga majburmiz.
Yevrokuboklarga chiqish bizning maqsadimiz. Jamoa kuchli tarkibga ega, yozda esa klub ajoyib xaridlarni amalga oshirdi, shuning uchun bu klub ko‘proq narsaga qodir deb o‘ylayman. Men bu jamoaning kuchiga juda ishonaman", dedi Palladino.
Eslatib o‘tamiz, "Atalanta" 11 turdan so‘ng 13 ochko bilan A Seriya turnir jadvalida 13-o‘rinda bormoqda.
