"Аталанта"нинг янги бош мураббийи Раффаэле Палладино жамоанинг жорий мавсумдаги мақсадлари ҳақида гапирди.

"Мен бу ерда, "Аталанта"да эканимдан жуда бахтиёрман. Шундай катта клубга тушиб қолганимдан фахрланаман. Айтишим мумкинки, биз биргаликда юқорига қайтиш учун қўлимиздан келган барча ишни қиламиз. Шунингдек, жамоага "Аталанта"ни бошқа клублардан ажратиб турувчи ўзига хосликни қайтаришга ҳаракат қиламан. Вақтимиз оз, лекин бор кучимизни ишга солишга мажбурмиз.

Еврокубокларга чиқиш бизнинг мақсадимиз. Жамоа кучли таркибга эга, ёзда эса клуб ажойиб харидларни амалга оширди, шунинг учун бу клуб кўпроқ нарсага қодир деб ўйлайман. Мен бу жамоанинг кучига жуда ишонаман", деди Палладино.

Эслатиб ўтамиз, "Аталанта" 11 турдан сўнг 13 очко билан А Серия турнир жадвалида 13-ўринда бормоқда.