"Manchester Siti"dan "Jirona"ga ijaraga berilgan markaziy himoyachi Vitor Reys jamoadan ketishga qanday qaror qilgani haqida gapirdi.
"Avvaliga qolishni rejalashtirgandim, lekin keyin Pep [Gvardiola] bilan gaplashdim. U nihoyatda to‘g‘riso‘z edi va men o‘yin vaqti uchun "Jirona"ga ketish yaxshiroq bo‘lishini tushundim. "Manchester Siti"da jamoadagi himoyachilar sonini hisobga olsak, bunga umid qila olmasdim. Hozir men juda baxtliman va "Jirona"ga yordam berish uchun qo‘limdan kelganini qilmoqchiman," - dedi 19 yoshli futbolchi EFE Noticias bilan suhbatda.
Braziliyalik futbolchi kataloniyaliklar safida 12 ta o‘yinda maydonga tushgan, shundan 11 tasida asosiy tarkibda. Futbolchining "shaharliklar" bilan shartnomasi 2029 yilgacha amal qiladi.
