"Манчестер Сити"дан "Жирона"га ижарага берилган марказий ҳимоячи Витор Рейс жамоадан кетишга қандай қарор қилгани ҳақида гапирди.
"Аввалига қолишни режалаштиргандим, лекин кейин Пеп [Гвардиола] билан гаплашдим. У ниҳоятда тўғрисўз эди ва мен ўйин вақти учун "Жирона"га кетиш яхшироқ бўлишини тушундим. "Манчестер Сити"да жамоадаги ҳимоячилар сонини ҳисобга олсак, бунга умид қила олмасдим. Ҳозир мен жуда бахтлиман ва "Жирона"га ёрдам бериш учун қўлимдан келганини қилмоқчиман," - деди 19 ёшли футболчи EFE Noticias билан суҳбатда.
Бразилиялик футболчи каталонияликлар сафида 12 та ўйинда майдонга тушган, шундан 11 тасида асосий таркибда. Футболчининг "шаҳарликлар" билан шартномаси 2029 йилгача амал қилади.
