"Barselona" shanba kuni yangilangan "Kamp Nou" stadionida "Atletik"ka qarshi o‘yin o‘tkazadi. Bu borada "ko‘k-anorranglilar" bosh murabbiyi Xans-Diter Flik izoh berdi.
"Atletik" - ajoyib raqib, ular Chempionlar Ligasida o‘ynashadi. Ularda yuqori darajadagi futbolchilar ko‘p. Bu bizning nimalarga qodir ekanligimizni ko‘rsatish uchun yaxshi imkoniyat.
"Kamp Nou"ga qaytish yordam beradimi? Albatta, biz "Kamp Nou"da o‘ynashni afzal ko‘ramiz. Ochiq mashg‘ulot kuni zinapoyadan ko‘tarilib, maydonga qadam qo‘yganimda, bu ajoyib tuyg‘u edi. O‘ylaymanki, bu bizga turtki berishi mumkin. Bu yerda muxlislar tribunalari yaqinroq. "Monjuik"da muxlislar bilan yaxshi aloqada bo‘ldik, ammo bu yerda bosim yuqoriroq," - dedi Flik matbuot anjumanida.
Ma’lumki, "Kamp Nou"da hozircha o‘yinlarni cheklangan sig‘imda - taxminan 45 ming kishi bilan o‘tkazish mumkin.
