"Барселона" шанба куни янгиланган "Камп Ноу" стадионида "Атлетик"ка қарши ўйин ўтказади. Бу борада "кўк-анорранглилар" бош мураббийи Ханс-Дитер Флик изоҳ берди.
"Атлетик" - ажойиб рақиб, улар Чемпионлар Лигасида ўйнашади. Уларда юқори даражадаги футболчилар кўп. Бу бизнинг нималарга қодир эканлигимизни кўрсатиш учун яхши имконият.
"Камп Ноу"га қайтиш ёрдам берадими? Албатта, биз "Камп Ноу"да ўйнашни афзал кўрамиз. Очиқ машғулот куни зинапоядан кўтарилиб, майдонга қадам қўйганимда, бу ажойиб туйғу эди. Ўйлайманки, бу бизга туртки бериши мумкин. Бу ерда мухлислар трибуналари яқинроқ. "Монжуик"да мухлислар билан яхши алоқада бўлдик, аммо бу ерда босим юқорироқ," - деди Флик матбуот анжуманида.
Маълумки, "Камп Ноу"да ҳозирча ўйинларни чекланган сиғимда - тахминан 45 минг киши билан ўтказиш мумкин.
