"Manchester Siti" ustozi Xosep Gvardiola jamoaning sobiq yarimhimoyachisi Fernandinyo faoliyatini yakunlagani haqida gapirdi.

Braziliyalik futbolchi 2013 yildan 2022 yilgacha "shaharliklar" sharafini himoya qilgan. Kuni kecha 40 yoshli xavbek butsalarini mixga ilishga qaror qilganini ma’lum qildi.

"Ajoyib xotiralar. O‘sha davrning o‘ziga xos futbolchilari mening qalbimda abadiy qoladi va Fernandinyo ulardan biri. O‘n yil oldin bu yerga kelganimda u menga katta yordam bergan. U ajoyib futbolchi edi. U faoliyatini yakunlagach, futbol bilan bog‘lanishiga deyarli ishonchim komil. Hamma ketayotganda bir xil gapiradi: "Oilam bilan, bolalarim bilan bo‘lishni istayman," lekin bir necha kundan keyin u o‘ziga o‘zi savol bera boshlaydi: "Keyin nima bo‘ladi?" Top-darajadagi bunday o‘yin tajribasiga ega odam futbolga kerak, u yangi avlodlarga ko‘p narsa bera oladi", - deya Gvardiolaning so‘zlarini keltiradi City Report.