Madridning "Real" klubi hujumchisi Endrik qishki transfer oynasida jamoani tark etishi aniq.

Xabi Alonso jamoasida o‘yin amaliyotiga ega bo‘lmagan braziliyalikni "Lion" ijaraga olmoqchi. Fransuz klubi allaqachon 19 yoshli futbolchining o‘zi bilan to‘liq kelishuvga erishgan, deya ta’kidlamoqda insayder Matteo Moretto. "Qaymoqranglilar" bilan bitim 99,9 foizga kelishildi - faqat so‘nggi nozik jihatlarni hal qilish va kerakli imzolarni qo‘yish qoldi.

Endrik joriy mavsumda atigi bir marta maydonga tushdi. Istiqbolli hujumchining "Real" bilan shartnomasi 2030 yilgacha mo‘ljallangan bo‘lib, uning Transfermarkt talqiniga ko‘ra, narxi 35 mln yevroni tashkil etadi.