Мадриднинг "Реал" клуби ҳужумчиси Эндрик қишки трансфер ойнасида жамоани тарк этиши аниқ.

Хаби Алонсо жамоасида ўйин амалиётига эга бўлмаган бразилияликни "Лион" ижарага олмоқчи. Француз клуби аллақачон 19 ёшли футболчининг ўзи билан тўлиқ келишувга эришган, дея таъкидламоқда инсайдер Маттео Моретто. "Қаймоқранглилар" билан битим 99,9 фоизга келишилди - фақат сўнгги нозик жиҳатларни ҳал қилиш ва керакли имзоларни қўйиш қолди.

Эндрик жорий мавсумда атиги бир марта майдонга тушди. Истиқболли ҳужумчининг "Реал" билан шартномаси 2030 йилгача мўлжалланган бўлиб, унинг Transfermarkt талқинига кўра, нархи 35 млн еврони ташкил этади.