"Manchester Siti" markaziy himoyachisi Ruben Diash APL doirasidagi "Nyukasl"ga (1:2) qarshi o‘yindan keyin o‘z fikrlarini bildirib o‘tdi.

Portugaliyalik futbolchi 68-daqiqada "shaharliklar"ning yagona goliga mualliflik qildi. Uchrashuv qahramoni Xarvi Barns bo‘ldi, uning dubli "hakkalar"ga g‘alaba keltirdi.

"Avvallari darvozabonga bunday turtkilar qoidabuzarlik hisoblanardi, endi esa bunga ruxsat berilgan ko‘rinadi. Odamlar meni bahona qidiryapti deyishlari mumkin, lekin unday emas. "Nyukasl" yaxshiroq edi va g‘alabaga loyiq edi, chunki ular vaziyatlardan foydalandi. Ammo men bunday epizodlardagi qoidalar aniqroq bo‘lishini istayman," - dedi Diash Sky Sports’ga bergan intervyusida.