Eronning «Traktor» klubi sharafini himoya qilayotgan o‘zbekistonlik yarim himoyachi Odil Hamrobekov «Nasaf»ga qarshi Elit Chempionlar ligasi 5-tur o‘yini oldidan matbuot anjumanida ishtirok etdi.
«Men futbolchilik faoliyatimni «Nasaf»da boshlaganman va 9 yil oldin «Traktor»ga qarshi o‘ynaganman va hozir «Traktor» o‘yinchisiman. Ertaga «Nasaf»ga qarshi o‘yindan oldin alohida tuyg‘u bor, lekin professional futbolchi sifatida mening e’tiborim ertangi o‘yinga qaratilgan va biz yaxshi natijaga erishishga qat’iy qaror qilganmiz.
«Traktor» o‘tgan yili birinchi marta Eron chempioni bo‘ldi va katta yutuqlarga erishdi. Biz bir oiladek birgamiz, jamoada yaxshi o‘yinchilar bor va biz ertangi o‘yinga tayyormiz», - dedi Hamrobekov.
