Эроннинг «Трактор» клуби шарафини ҳимоя қилаётган ўзбекистонлик ярим ҳимоячи Одил Ҳамробеков «Насаф»га қарши Элит Чемпионлар лигаси 5-тур ўйини олдидан матбуот анжуманида иштирок этди.
«Мен футболчилик фаолиятимни «Насаф»да бошлаганман ва 9 йил олдин «Трактор»га қарши ўйнаганман ва ҳозир «Трактор» ўйинчисиман. Эртага «Насаф»га қарши ўйиндан олдин алоҳида туйғу бор, лекин профессионал футболчи сифатида менинг эътиборим эртанги ўйинга қаратилган ва биз яхши натижага эришишга қатъий қарор қилганмиз.
«Трактор» ўтган йили биринчи марта Эрон чемпиони бўлди ва катта ютуқларга эришди. Биз бир оиладек биргамиз, жамоада яхши ўйинчилар бор ва биз эртанги ўйинга тайёрмиз», - деди Ҳамробеков.
