"Inter" bosh murabbiyi Kristian Kivu Milan derbisidagi mag‘lubiyatdan keyingi rejalari haqida gapirdi.

"Neradzurrilar" A Seriya doirasidagi yakshanba kungi bahsda "Milan"ga 0:1 hisobida imkoniyatni boy berdi. Yagona gol 54-daqiqada Kristian Pulishich tomonidan kiritildi.

"Yanvarda transferlarni so‘raymanmi? Savolingizni hurmat qilaman, lekin men derbida yutqazdim va hozir transfer bozori haqida gapirishni istamayman. Bu mag‘lubiyat jamoaga dog‘ tushirishidan ko‘proq xavotirdaman. Mening ixtiyorimda 22 futbolchi bor - ularning har biri "Inter"da o‘ynashga qodir. Men transferlar haqida o‘ylamasdan yechim topishga harakat qilyapman," - dedi Kivu matbuot anjumanida.