"Интер" бош мураббийи Кристиан Киву Милан дербисидаги мағлубиятдан кейинги режалари ҳақида гапирди.
"Нерадзуррилар" А Серия доирасидаги якшанба кунги баҳсда "Милан"га 0:1 ҳисобида имкониятни бой берди. Ягона гол 54-дақиқада Кристиан Пулишич томонидан киритилди.
"Январда трансферларни сўрайманми? Саволингизни ҳурмат қиламан, лекин мен дербида ютқаздим ва ҳозир трансфер бозори ҳақида гапиришни истамайман. Бу мағлубият жамоага доғ туширишидан кўпроқ хавотирдаман. Менинг ихтиёримда 22 футболчи бор - уларнинг ҳар бири "Интер"да ўйнашга қодир. Мен трансферлар ҳақида ўйламасдан ечим топишга ҳаракат қиляпман," - деди Киву матбуот анжуманида.
