"Barselona" vingeri Rafinya 2025 yilgi individual sovrinlar haqida o‘z fikrlarini bildirdi.

— Siz bu yil individual mukofotlarda adolatsizlikni his qilyapsizmi?

— Ha, rostini aytsam, shunday his qilganman — o‘ylaymanki, men ancha ko‘prog‘iga loyiq edim, lekin… bu individual mukofotlar jamoaviy natijalarga bog‘liq. Jamoaviy ish nuqtai nazaridan biz, ehtimol, Chempionlar Ligasi imkoniyatini boy berdik, lekin individual muvaffaqiyat nuqtai nazaridan men nazorat qilolmayman: odamlarning ovozlari, jurnalistlar... bu mening nazoratimdan tashqarida va ancha murakkab. Men faqat maydonda qilayotgan ishlarimni nazorat qilaman va ishonchim komilki, men ajoyib mavsum o‘tkazdim, va bu menga yetarli", - dedi 28 yoshli braziliyalik futbolchi.

Eslatib o‘tamiz, Rafinya "Oltin to‘p" reytingida 5-o‘rinni egallagandi. Shuningdek, u FIFPro talqiniga ko‘ra yilning eng yaxshi jamoasiga kiritilmadi.