"Kristal Pelas" markaziy himoyachi Mark Gexi o‘rnini kim bilan to‘ldirmoqchi ekanligi ma’lum bo‘ldi. Futbolchi qish yoki yozda poytaxt klubini tark etishi kutilmoqda.

Jurnalist Sasha Tavolyerining ma’lum qilishicha, Gexi "Kristal Pelas"ni tark etsa, "burgutlar" darhol "Sporting" himoyachisi Usmon Diomande transferi ustida ish boshlaydi. U o‘tgan yozdan beri ingliz klubi ro‘yxatida bor. Futbolchining o‘zi Premyer-ligaga ko‘chib o‘tish uchun ochiq.

Joriy mavsumda 21 yoshli Diomande barcha turnirlarni qo‘shib hisoblaganda sakkizta uchrashuvda ishtirok etdi va uchta sariq kartochka oldi.

Diomandaning "Sporting" bilan shartnomasi 2027 yilgacha mo‘ljallangan. Transfermarkt ma’lumotlariga ko‘ra, futbolchining narxi 45 million yevroni tashkil etadi.