"Кристал Пэлас" марказий ҳимоячи Марк Гехи ўрнини ким билан тўлдирмоқчи эканлиги маълум бўлди. Футболчи қиш ёки ёзда пойтахт клубини тарк этиши кутилмоқда.
Журналист Саша Тавольерининг маълум қилишича, Гехи "Кристал Пэлас"ни тарк этса, "бургутлар" дарҳол "Спортинг" ҳимоячиси Усмон Диоманде трансфери устида иш бошлайди. У ўтган ёздан бери инглиз клуби рўйхатида бор. Футболчининг ўзи Премьер-лигага кўчиб ўтиш учун очиқ.
Жорий мавсумда 21 ёшли Диоманде барча турнирларни қўшиб ҳисоблаганда саккизта учрашувда иштирок этди ва учта сариқ карточка олди.
Диоманданинг "Спортинг" билан шартномаси 2027 йилгача мўлжалланган. Transfermarkt маълумотларига кўра, футболчининг нархи 45 миллион еврони ташкил этади.
