"Barselona" bosh murabbiyi Xans-Diter Flik Rafinyani jarohatini davolashda xatoga yo‘l qo‘ygan klub shifokorlaridan xafa emasligini tan oldi.
Avvalroq, jamoa futbolchilari jarohatdan tiklanish rejalaridan norozi bo‘layotgani haqida xabarlar tarqalgan edi.
"Aytishim mumkinki, tibbiyot xodimlarimizdan xafa emasman. Bizda juda tajribali jamoa bor. Rafinya masalasida biz xatolarga yo‘l qo‘ydik. Lekin insonning tabiati shunday. Men faqat shuni ayta olaman," - deya germaniyalik mutaxassisning so‘zlarini keltiradi Football Espana.
"Atletik"ka qarshi so‘nggi o‘yinda Rafinya bir necha daqiqa maydonda harakat qildi. U Chempionlar ligasida "Chelsi"ga qarshi o‘ynaydimi yoki yo‘qmi, hozircha noma’lum.
