"Барселона" бош мураббийи Ханс-Дитер Флик Рафиньяни жароҳатини даволашда хатога йўл қўйган клуб шифокорларидан хафа эмаслигини тан олди.
Аввалроқ, жамоа футболчилари жароҳатдан тикланиш режаларидан норози бўлаётгани ҳақида хабарлар тарқалган эди.
"Айтишим мумкинки, тиббиёт ходимларимиздан хафа эмасман. Бизда жуда тажрибали жамоа бор. Рафинья масаласида биз хатоларга йўл қўйдик. Лекин инсоннинг табиати шундай. Мен фақат шуни айта оламан," - дея германиялик мутахассиснинг сўзларини келтиради Football Espana.
"Атлетик"ка қарши сўнгги ўйинда Рафиня бир неча дақиқа майдонда ҳаракат қилди. У Чемпионлар лигасида "Челси"га қарши ўйнайдими ёки йўқми, ҳозирча номаълум.
