"RB Leypsig" markaziy yarim himoyachisi Assan Uedraogoga "Manchester Yunayted" va "Chelsi" qiziqish bildirmoqda. Bu haqda Sky Sports Germany xabar bermoqda.
Manbaga ishonadigan bo‘lsak, 19 yoshli xavbekning shartnomasida uni qo‘yib yuborish haqida band yo‘q, shuning uchun transfer faqat katta moliyaviy taklif bilan amalga oshirilishi mumkin.
Bu mavsumda Uedraogo barcha musobaqalarda 12 ta o‘yinda maydonga tushib, uchta gol urdi va to‘rtta golli uzatmani amalga oshirdi.
Uedragoning "RB Leypsig" bilan shartnomasi 2029 yilgacha mo‘ljallangan. Transfermarkt ekspertlari yarim himoyachining narxini o‘n million yevroga baholamoqda.
