"РБ Лейпциг" марказий ярим ҳимоячиси Ассан Уэдраогога "Манчестер Юнайтед" ва "Челси" қизиқиш билдирмоқда. Бу ҳақда Sky Sports Germany хабар бермоқда.
Манбага ишонадиган бўлсак, 19 ёшли хавбекнинг шартномасида уни қўйиб юбориш ҳақида банд йўқ, шунинг учун трансфер фақат катта молиявий таклиф билан амалга оширилиши мумкин.
Бу мавсумда Уэдраого барча мусобақаларда 12 та ўйинда майдонга тушиб, учта гол урди ва тўртта голли узатмани амалга оширди.
Уэдрагонинг "РБ Лейпциг" билан шартномаси 2029 йилгача мўлжалланган. Transfermarkt экспертлари ярим ҳимоячининг нархини ўн миллион еврога баҳоламоқда.













