"Real" rahbariyati bosh murabbiy Xabi Alonsoga ishonmoqda.

Marca xabariga ko‘ra, madridliklar hamon Alonsoni to‘liq qo‘llab-quvvatlamoqda va so‘nggi o‘yinlardagi natijalariga qaramay, uni jamoa uchun ideal murabbiy deb hisoblamoqda.

Qayd etilishicha, "Real" mutaxassisning barcha qarorlarini, jumladan, taktik tajribalar va Vinisius Juniorni almashtirishni qo‘llab-quvvatlamoqda. Alonso loyihaning yetakchisi hisoblanadi, uning obro‘si har qanday o‘yinchidan yuqori. Shu bilan birga, klub so‘nggi o‘yinlarda ochko yo‘qotish tufayli yuzaga kelgan beqaror vaziyatdan xavotir olmaydi va buni normal holat deb biladi.

13 turdan so‘ng "Real" La Ligada "Barselona"ni 1 ochkoga ortda qoldirgan holda peshqadamlik qilmoqda. Chempionlar Ligasida madridliklar 4 turda 9 ochko jamg‘argan holda umumjamoa hisobida 7-o‘rinni egallab turibdi.