"Liverpul" "Real" xavbeki Federiko Valverdening xizmatlariga qiziqish bildirmoqda.

Angliya grandi futbolchi uchun 150 mln yevro to‘lashga tayyor. Valverdening o‘ziga "qizillar" maoshini ikki barobarga oshirishga, shuningdek, katta miqdorda imzo bonusini taklif qilishga tayyor. "Real" xavbekni sotmoqchi emas, ammo bunday yirik taklif klub bosslarini vaziyatni tahlil qilishga majbur qildi. Qayd etilishicha, urugvaylik futbolchi klubini o‘zgartirish istagi bilan yonmayapti.

Federiko Valverde "Real" safida jami 340 ta o‘yin o‘tkazgan. Unda xavbek 32 ta gol urib, 35 ta golli uzatmani amalga oshirdi.