"Ливерпуль" "Реал" хавбеки Федерико Вальверденинг хизматларига қизиқиш билдирмоқда.
Англия гранди футболчи учун 150 млн евро тўлашга тайёр. Вальверденинг ўзига "қизиллар" маошини икки баробарга оширишга, шунингдек, катта миқдорда имзо бонусини таклиф қилишга тайёр. "Реал" хавбекни сотмоқчи эмас, аммо бундай йирик таклиф клуб боссларини вазиятни таҳлил қилишга мажбур қилди. Қайд этилишича, уругвайлик футболчи клубини ўзгартириш истаги билан ёнмаяпти.
Федерико Вальверде "Реал" сафида жами 340 та ўйин ўтказган. Унда хавбек 32 та гол уриб, 35 та голли узатмани амалга оширди.
