"Milan" yarim himoyachisi Adrien Rabyo jamoadoshi Luka Modrichga qoyil qolganini aytdi. Fransiyalik futbolchi joriy mavsumda birga to‘p tepayotgan xorvatiyalik xavbek haqida o‘z fikrlarini bildirib o‘tdi.
"U oddiy inson va futbolni yosh boladek yaxshi ko‘radi. U bilan yarim himoyada birinchi kundanoq o‘zimni juda qulay his qildim, chunki u yuqori darajadagi mahorat va maydonni ko‘rish qobiliyatiga ega. Shuningdek, to‘pni olib qo‘yish, yugurish va kerak bo‘lganda hujumda qat’iy harakat qilishda katta hissa qo‘shadi.
U 40 yoshida ham har kuni o‘ynash istagi bilan meni hayratga soladigan ajoyib futbolchi. Men unga juda qoyil qolaman: umid qilamanki, uning yoshida ham menda shunday ishtiyoq saqlanib qoladi," - deya Rabyoning so‘zlarini keltiradi La Gazzetta dello Sport.
