"Fenerbaxche" Tedesko qo‘l ostida ikki oydan beri yutqazmayapti.

Domeniko Tedesko boshchiligidagi "Fenerbaxche" ketma-ket 11 o‘yinda mag‘lubiyatga uchramadi.

Bugun turk klubi Yevropa Ligasi doirasida o‘z maydonida "Ferensvarosh" (1:1) bilan durang o‘ynadi.

Belgiya terma jamoasi sobiq murabbiyi boshchiligidagi "Fenerbaxche"ning mag‘lubiyatsiz seriyasi 24 sentyabrdan buyon davom etmoqda. Bu davrda jamoa 8 ta g‘alaba va 3 ta durang qayd etdi.

Keyingi turda Turkiya chempionatida 2-o‘rinda borayotgan "Fenerbaxche" o‘zidan bir ochko ko‘p jamg‘argan "Galatasaroy"ni qabul qiladi. O‘yin 1 dekabr kuni bo‘lib o‘tadi.