Madridning "Real" klubi hujumkor yarim himoyachisi Franko Mastantuono safga qaytmoqda.

18 yoshli futbolchi "qaymoqranglilar"ning so‘nggi 4ta o‘yinini pubalgiya tufayli o‘tkazib yubordi. Marca nashri tarqatgan xabarga ko‘ra, argentinalik futbolchi sog‘ayib, La Liganing 30 noyabr, yakshanba kuni bo‘lib o‘tadigan "Jirona"ga qarshi bahsida ishtirok etishga tayyor.

Franko Mastantuono joriy yilning avgust oyida "qirollik klubi" safiga qo‘shilgan bo‘lsa, bungacha o‘z yurtida "River Pleyt" sharafini himoya qilgan. Futbolchi Xabi Alonso jamoasi safida jami 12 ta o‘yin o‘tkazib, bitta gol va bitta golli uzatmani o‘z hisobiga yozdirib qo‘ygan.