Мадриднинг "Реал" клуби ҳужумкор ярим ҳимоячиси Франко Мастантуоно сафга қайтмоқда.

18 ёшли футболчи "қаймоқранглилар"нинг сўнгги 4та ўйинини пубалгия туфайли ўтказиб юборди. Marca нашри тарқатган хабарга кўра, аргентиналик футболчи соғайиб, Ла Лиганинг 30 ноябрь, якшанба куни бўлиб ўтадиган "Жирона"га қарши баҳсида иштирок этишга тайёр.

Франко Мастантуоно жорий йилнинг август ойида "қироллик клуби" сафига қўшилган бўлса, бунгача ўз юртида "Ривер Плейт" шарафини ҳимоя қилган. Футболчи Хаби Алонсо жамоаси сафида жами 12 та ўйин ўтказиб, битта гол ва битта голли узатмани ўз ҳисобига ёздириб қўйган.