Mashhur sobiq futbolchi Juzeppe Bergomi Milanning "Inter" klubi qiyinchiliklari haqida fikr bildirdi.
"Neradzurrilar" so‘nggi ikki o‘yinda mag‘lubiyatga uchradi, avvaliga "Milan" bilan derbida (0:1), keyin esa Chempionlar ligasi doirasida Madridning "Atletiko" klubiga qarshi bahsda (1:2) imkoniyatni boy berdi.
"Bu besh yildan beri davom etmoqda - jamoa o‘sha-o‘sha. "Inter" yaxshi futbol, yorqin o‘yin uslubi bilan quvontiradi, Yevropada eng yaxshilar qatoriga kiradi, ammo bir xil muammodan aziyat chekadi. Futbolchilar o‘yin oxirida juda qiynalishadi, doim bir xil gol o‘tkazib yuborishadi. Hech narsa o‘zgarmaydi. "Inter" hali ham g‘alaba qozonishga va cho‘qqida qolishga qodir, ammo biz ikki-uch yil oldin ham xuddi shu gaplarni aytgan edik," - dedi Bergomi Sky Sport bilan suhbatda.
Yakshanba kuni Kristian Kivuning jamoasi A Seriya doirasida "Piza" mehmoni bo‘ladi.
