Машҳур собиқ футболчи Жузеппе Бергоми Миланнинг "Интер" клуби қийинчиликлари ҳақида фикр билдирди.
"Нерадзуррилар" сўнгги икки ўйинда мағлубиятга учради, аввалига "Милан" билан дербида (0:1), кейин эса Чемпионлар лигаси доирасида Мадриднинг "Атлетико" клубига қарши баҳсда (1:2) имкониятни бой берди.
"Бу беш йилдан бери давом этмоқда - жамоа ўша-ўша. "Интер" яхши футбол, ёрқин ўйин услуби билан қувонтиради, Европада энг яхшилар қаторига киради, аммо бир хил муаммодан азият чекади. Футболчилар ўйин охирида жуда қийналишади, доим бир хил гол ўтказиб юборишади. Ҳеч нарса ўзгармайди. "Интер" ҳали ҳам ғалаба қозонишга ва чўққида қолишга қодир, аммо биз икки-уч йил олдин ҳам худди шу гапларни айтган эдик," - деди Бергоми Sky Sport билан суҳбатда.
Якшанба куни Кристиан Кивунинг жамоаси А Серия доирасида "Пиза" меҳмони бўлади.
