"Barselona" o‘z maydonida La Liganing shanba kungi bahsida "Alaves"ni mag‘lub etdi (3:1). Bu "ko‘k-anorranglilar"ning yangilangan "Kamp Nou"dagi ikkinchi o‘yini edi. Markus Reshford jamoa o‘z o‘yingohiga qaytganidan keyin birinchi uchrashuvni o‘tkazib yuborgandi, bu safar esa ikkinchi bo‘lim boshlanishidan oldin zaxiradan maydonga tushdi.
"Barselona" futbolchisi sifatida "Kamp Nou"dagi ilk o‘yinim. Bu men uchun o‘zgacha oqshom," - deb yozdi "Manchester Yunayted"dan ijaraga olingan 28 yoshli angliyalik futbolchi ijtimoiy tarmoqda.
2 dekabr kuni Xans-Diter Flik jamoasi o‘z maydonida yana bir o‘yin o‘tkazadi - raqib chempionatda ketma-ket oltita g‘alabaga erishgan Madridning "Atletiko" klubi bo‘ladi.
