"Bayer" bosh murabbiyi Kasper Yulmann Bundesliga o‘n ikkinchi turidan o‘rin olgan "Borussiya" Dortmundga qarshi o‘yinni sarhisob qildi. Uchrashuv uning shogirdlarining 1:2 hisobidagi mag‘lubiyati bilan yakunlandi.
"Natijadan, albatta, hafsalamiz pir bo‘ldi. Umuman olganda, juda shiddatli o‘yin bo‘ldi. Ikkala jamoada ham golli vaziyatlar u qadar ko‘p emasdi, mayda-chuydalar hal qiluvchi ahamiyatga ega edi. Oxirigacha hisobni tenglashtirishga harakat qildik. Afsuski, buni uddalay olmadik", - deya murabbiyning so‘zlarini keltiradi leverkuzenliklar rasmiy sayti.
Ushbu o‘yindan so‘ng "Borussiya" 25 ochko bilan uchinchi, "Bayer" 23 ochko bilan to‘rtinchi o‘rinda bormoqda.













