"Байер" бош мураббийи Каспер Юльманн Бундеслига ўн иккинчи туридан ўрин олган "Боруссия" Дортмундга қарши ўйинни сарҳисоб қилди. Учрашув унинг шогирдларининг 1:2 ҳисобидаги мағлубияти билан якунланди.

"Натижадан, албатта, ҳафсаламиз пир бўлди. Умуман олганда, жуда шиддатли ўйин бўлди. Иккала жамоада ҳам голли вазиятлар у қадар кўп эмасди, майда-чуйдалар ҳал қилувчи аҳамиятга эга эди. Охиригача ҳисобни тенглаштиришга ҳаракат қилдик. Афсуски, буни уддалай олмадик", - дея мураббийнинг сўзларини келтиради леверкузенликлар расмий сайти.

Ушбу ўйиндан сўнг "Боруссия" 25 очко билан учинчи, "Байер" 23 очко билан тўртинчи ўринда бормоқда.