"Komo" bosh murabbiyi Fransesk Fabregas futbolchilik faoliyati davomida qo‘lga kiritgan sovrinlarini eslay olmasligini aytdi. "Arsenal," "Barselona" va "Chelsi" klublarining sobiq yarimhimoyachisi hisobida Ispaniya terma jamoasi va klublarida 16 ta sovrin bor.
"Sizga ko‘proq aytaman. Futbolchi sifatida qo‘lga kiritgan sovrinlarimni eslay olmayman. Kiyinish xonasidagi lahzalarni, birlashishimizni, bir-birimizga yordam berganimizni va takomillashganimizni eslayman.
Afsuski, futbolda rivojlanish uchun vaqt tobora kamayib bormoqda. "Komo"da ekanimdan xursandman, chunki biz boshqacha yo‘l tutamiz. Biz sabr qilamiz. Bilamizki, xatolar bor, bunday yosh futbolchilar bilan past-balandliklar bo‘ladi. Asosiy so‘z - rivojlanish", - dedi Fabregas Sky Sport Italia nashriga bergan intervyusida.
