"Комо" бош мураббийи Франсеск Фабрегас футболчилик фаолияти давомида қўлга киритган совринларини эслай олмаслигини айтди. "Арсенал," "Барселона" ва "Челси" клубларининг собиқ яримҳимоячиси ҳисобида Испания терма жамоаси ва клубларида 16 та соврин бор.
"Сизга кўпроқ айтаман. Футболчи сифатида қўлга киритган совринларимни эслай олмайман. Кийиниш хонасидаги лаҳзаларни, бирлашишимизни, бир-биримизга ёрдам берганимизни ва такомиллашганимизни эслайман.
Афсуски, футболда ривожланиш учун вақт тобора камайиб бормоқда. "Комо"да эканимдан хурсандман, чунки биз бошқача йўл тутамиз. Биз сабр қиламиз. Биламизки, хатолар бор, бундай ёш футболчилар билан паст-баландликлар бўлади. Асосий сўз - ривожланиш", - деди Фабрегас Sky Sport Italia нашрига берган интервьюсида.
