"Real" Ispaniya chempionatining so‘nggi uchta o‘yinida durang o‘ynadi va peshqadamlikni boy berdi - "Barselona" yetakchilikni qo‘lga oldi. Aytishlaricha, Xabi Alonso yaqin kelajakda ishdan bo‘shatilishi mumkin.
The Athletic sahifalarida dushanba kuni Madrid klubidagi vaziyat haqida material e’lon qilindi. Materialda aytilishicha, "Real" kiyinish xonasida fikrlar xilma-xilligi mavjud, ammo bu futbolchilar o‘rtasidagi munosabatlarga hali putur yetkazmagan. Jamoada Alonsoning usullariga shubha bilan qaraydiganlar ham, murabbiy aybdor emasligiga amin bo‘lganlar ham bor.
"Real" va murabbiylar shtabidagi manbalar vaziyatni o‘zgartirish oson bo‘lmasligini tan olishmoqda. Yaqin oradagi o‘yinlar, jumladan, "Atletik"ka qarshi navbatdagi uchrashuv Alonsoning kelajagi masalasida juda muhim bo‘ladi.
Kiyinish xonasiga yaqin manbalarning ta’kidlashicha, Alonsoning xabarlari futbolchilarga "etib bormayapti." Bunda muammolar murabbiyning funksiyalari doirasiga o‘tadi.
"Muammo Xabida emas. Mbappe, Vinisius va Bellingem bir-biriga to‘g‘ri kelmaydi - ular bilan muvozanatli jamoa qurib bo‘lmaydi," - degan klubdagi anonim manba.
Eslatib o‘tamiz, yakshanba kuni "Real" "Jirona"ni mag‘lub eta olmagandi - 1:1.
