"Bavariya" sport direktori Maks Eberl jamoasi darvozaboni Manuel Noyer haqida fikr bildirdi.
"Mening fikrim aniq: yoshiga qaramay, uni dunyoning eng yaxshi darvozabonlaridan biri deb bilaman. Bu faqat Maks Eberl sifatida mening fikrim edi. Oxir-oqibat, Manu jahon chempionatiga borishi yoki bormasligini hal qiladi. Va uning shartnomasini uzaytirishga kelganda, bizning birinchi ustuvorligimiz ham Manuel bo‘ladi", - deya Eberlning so‘zlarini keltiradi klub rasmiy sayti.
Joriy mavsumda futbolchi klub safida barcha musobaqalarda 17 ta o‘yinda maydonga tushib, 16 ta gol o‘tkazib yubordi. Bundesligada o‘tkazilgan o‘yinlar soni bo‘yicha Noyer darvozabonlar orasida top-2 ga kirdi.
