"Atletik" klubi bosh murabbiyi Ernesto Valverde Madridning "Real" klubiga qarshi o‘yin oldidan o‘z fikrlarini bildirib o‘tdi. La Liga o‘n to‘qqizinchi tur uchrashuvi 3 dekabr kuni bo‘lib o‘tadi va Toshkent vaqti bilan soat 23:00 da boshlanadi.
"Biz zavq olishni va raqobatbardosh bo‘lishni xohlaymiz. Bu muxlislarimiz intiqlik bilan kutayotgan uchrashuv va biz chempionlikka da’vogarga qarshi yaxshi o‘yin ko‘rsatmoqchimiz. O‘yinda 3 ochkodan ko‘ra ko‘proq narsa bor. Bunday jamoalar ustidan g‘alaba qozonish katta turtki beradi," - deya Valverdening so‘zlarini keltiradi Diario Sport.
"Xabi Alonso tanqid qilinyaptimi? U ajoyib murabbiy. Bunday klublarda har doim g‘alabalar kutiladi. Ular bejiz jadvalning yuqori qismida emas va biz juda ehtiyot bo‘lishimiz kerak."
"Real" hisobida 33 ochko bo‘lib, ikkinchi o‘rinda bormoqda. "Atletik" 20 ochko bilan 8-o‘rinda.
