Milanning "Inter" klubi sobiq yarim himoyachisi Uesli Sneyder navbatdagi jahon chempionatida qaysi terma jamoalarni favorit deb bilishini aytdi.

"Men Braziliya, Fransiya, Portugaliya va Ispaniyani aytaman. Lekin hali Angliya, Argentina, Niderlandiya terma jamoalari bor. Ularda yarim finalga chiqishi mumkin bo‘lgan kuchli tarkiblar bor. Agar Germaniya o‘zining odatiy o‘yinini ko‘rsata olsa, u ham kurashishi mumkin," - deya niderlandiyalikning so‘zlarini keltiradi Marca gazetasi.

Jahon chempionati kelasi yilning yozida Shimoliy Amerikada bo‘lib o‘tadi. Nufuzli musobaqaga AQSH, Kanada va Meksika mezbonlik qiladi.