Миланнинг "Интер" клуби собиқ ярим ҳимоячиси Уэсли Снейдер навбатдаги жаҳон чемпионатида қайси терма жамоаларни фаворит деб билишини айтди.
"Мен Бразилия, Франция, Португалия ва Испанияни айтаман. Лекин ҳали Англия, Аргентина, Нидерландия терма жамоалари бор. Уларда ярим финалга чиқиши мумкин бўлган кучли таркиблар бор. Агар Германия ўзининг одатий ўйинини кўрсата олса, у ҳам курашиши мумкин," - дея нидерландияликнинг сўзларини келтиради Marca газетаси.
Жаҳон чемпионати келаси йилнинг ёзида Шимолий Америкада бўлиб ўтади. Нуфузли мусобақага АҚШ, Канада ва Мексика мезбонлик қилади.
