Londonning "Fulxem" klubi "Milan" futbolchisi Samuel Chukvuezeni to‘liq sotib olishni istamoqda. Bu haqda TEAMtalk xabar bermoqda.

Ayni paytda nigeriyalik vinger poytaxt klubida ijara asosida to‘p tepmoqda. Manbaga ko‘ra, "dala hovli egalari" shartnomada ko‘rsatilgan 26 yoshli futbolchini sotib olish bandidan foydalanishlari mumkin.

Futbolchi "Milan"da qiyin davrlarni boshdan kechirdi va "rossonerilar" safida 70 ta o‘yinda atigi 8 ta gol urdi va 6 ta golli uzatmani amalga oshirdi. U joriy mavsum "Fulxem" safida 9 ta o‘yinda 2 ta gol va 3 ta golli uzatmani amalga oshirdi.

Transfermarkt portali Chukvuezening bozor narxini 10 million yevroga baholamoqda.